8 de maio de 2017

Actividade de Orientación con IES Sánchez Cantón









En colaboración IES Sánchez Cantón fixemos unha das actividades máis bonitas para os rapaces de 5º, orientarse cun mapa en grupos de cinco cun monitor do TAFAD (módulo deportivo que teñen neste instituto). Ver máis fotos

5 de maio de 2017

Maio Campolongo 2017

Primeiro premio en interpretación   - Ver letra do Maio

Ver todo sobre o Maio 2017 de Campolongo (coplas, recollida e elaboración do Maio,  concursos .... )

6 de abr. de 2017

Debuxo para concursar no cartel anunciador "Xadrez na Rúa" deste ano 2017

 Debuxo feito para concursar polo cartel anunciador deste ano das Xornadas de Xadrez na Rúa.  As artistas son Carla, María e Iria (6ºD).

5 de abr. de 2017

Medallas de Xainza en Atletismo


Xainza C. B. , de 6ºA,  tròuxonos algunhas das medallas que leva acadado en Atletismo, unha delas de ouro, nos 60 m dos Campionatos Galegos. A súa especialidade é a velocidade.
,  "É rápida como unha centella".  Como vedes, temos  aquí,  unha nova promesa do deporte galego. Os nosos parabéns e a seguir acadando premios, e o máis importante, unha vida saudable. 

Festa da natación de base co XII Trofeo Promesas do Lérez




 Medalla para Nicolás V. F. na xornada "Festa de Natación Base co XII Trofeo Internaciónal  "Promesas do Lérez" celebrada o sábado 1 de abril en Pontevedra. Desta vez a medalla foi nos "50 m  Braza".

Os nosos parabéns!!!

22 de mar. de 2017

Rosalía de Castro


Campionato de fútbol nas Festas de San Xosé

 Iker L. B. e José Antonio  T. R. de 6ºA  co un dos trofeos das Xornadas Deportivas  nas Festas da nosa parroquia de  San Xosé .

Campionato Galego "Nada e corre"


Aquí temos,   entre outros,  a Andrés de la C. C. de 6ºC  e a Nicolás V. F. de 5ºA, participando no Campionato Galego "Nada e corre", celebrado o 11 de febreiro de 2017 en Pontevedra,  nunha das probas de aprendizaxe ou iniciación ó Triatlón. 

19 de mar. de 2017

Campionato Galego Infantil de Karate

O  domingo 5 de marzo de 2017 , tivo lugar nas Pontes de García Rodríguez o Campionato Galego de Karate Infantil, no que participaron máis de 300 deportistas nas modalidades de karate e kumite, pertencentes a 31 clubs da autonomia galega, (Negreira, Ferrol, Narón, Fene, Santiago, Carballo, Ribadavia, As Pontes, Lugo, Betanzos, Mugardos, Boiro, Teo e Pontevedra). De entre os participantes deste campionato formarase a selección que representará a Galicia no próximo campionato de España que terá lugar en Córdoba.

Os representantes do club Gimsport de Pontevedra, obtiveron un total de 15 medallas. Os representantes de Pontevedra destacaron, ademáis de polos logros obtidos, polo seu espiritú deportivo, parabéns campións!!.  O kárate será deporte olímpico nas Olimpíadas de Tokio 2020.

En canto aos beneficios desta arte marcial orixinaria de Xapón, poden destacarse os seguintes:

1.  Mellora a coordinación psicomotriz.

2. Desenvolve as destrezas, os reflexos e as reaccións. 

3. Descarga enerxía.

4. Ensina educación, disciplina e respecto a todo o que nos rodea. 

5. Favorece o aumento da concentración.

6.  Axuda a coñecerse máis e controlarse a un mesmo. 

7.  Ensina valores fundamentais como a tolerancia e a responsabilidade.

8. Xera a confianza nun mesmo. 

9.  Desenvolve a forza, o equilibrio, a velocidade e a flexibilidade.

 Pedro Sánchez Rodríguez 5ºB